Бул макала Кыргыз Республикасында медиациянынын өнүгүү тенденциялары жөнүндө жазылган. Талашкан тараптардын кызыкчылыктарын макулдашуу жолу менен жөнгө салууда, адамдын укуктарын жана эркиндиктерин коргоодо медиацияны колдонуу тартышкан тараптардын жеке кызыкчылыктарын сактайт, тараптардын таламдарына жооп берген келишимдерге жетишүүнү камсыз кылат, чыр-чатактарды тынчтык жолу менен чечүү маданиятын өнүктүрөт, коомдук ишенимди бекемдейт. Адистер медиацияны өнүктүрүү үчүн мыйзамдык база, медиаторлордун соттор менен тыгыз байланышта иштөөсү жана медиаторлор жөнүндө эл арасында жетиштүү маалыматтар болуусу, медиация чөйрөсүндө мамлекеттик саясатты түзүү жана ишке ашыруу, медиация маселелери боюнча ченемдик укуктук актыларды иштеп чыгуу зарыл деп белгилешет. Ошондой эле медиациянын өнүгүшү медиациянынын практикада колдонулуштарына, медиаторлордун кесиптик даярдыгын камсыз кылууга да көз каранды.